Donnerstag, 22. Januar 2015

De Prinz vo de Dolomite

http://www.petama.ch/Ebooks/Ebook-PrinzDolomite-ZT/Ebook-PrinzDolomite-ZT.html

Für en guete Start is Jahr 2015!

De Prinz vo de Dolomite (Züritüütsch)

So viel liit verborgen in öis ine, parat z'verwache...
i Chinde, in Erwachsene, i Kulture, i Kontinänt.

Herzlich willkomme zu däre Gschicht, liebi Fründ.

Es isch e Gschicht, wie sie i de Täler vom Trentino gärn verzellt wird, wänn d'Nonna am grosse Holzfüür schtundelang d'Polenta rüehrt, bis sie am Abig so würzig und nach Rauch duftend wie Brot ufem Täller liit.

Bim Warte uf das fein Nachtässe lueged d'Chinde dur die chliine Fänschter use is tüüf verschneiti Tal. So wunderbar, in ere warme Schtube sitze z'chönne und s'Chnischtere vom Füür z'ghöre, in froher Erwartig da druf, das de Nonno irgendwänn siini Pfiife azündet und uf em warme Bänkli vom Chachelofe afangt z'verzelle...

Wänn d'Chinde de Chopf echli drehed, chönnd sie um de Egge vom Huus eine vo de grosse Gipfel vo de Dolomite gseh, und dänn chömed ihne immer d'Zipfelmützen vo de chliine Lüüt i de Wälder in Sinn...

So fühlt es sich a, wänn mir öis wohl fühled - dänked mer dra, wämmer die Mänsche gsehnd, wo keis Dehei händ.
Züri, im Januar 2015                               Puran

Keine Kommentare:

Kommentar veröffentlichen